Информациялық-жәмийетлик сайт


Нызамсыз өним саўдасының алды алынды

10 июн 2020
Нызамсыз өним саўдасының алды алынды
Елимизде исбилерменлер ҳәм хожалық жүритиўши субъектлерди ҳәр тәреплеме қоллап-қуўатлаўға қаратылған кең көлемли реформалар әмелге асырылмақта.
Лекин, соған қарамастан, нызамларды шетлеп өткен ҳалда “нызамсыз жол менен көбирек пул таўып алыў” мақсетинде ис жүритип атырған “исбилерменлер”имиз де жоқ емес.
Беруний районы мәмлекетлик салық инспекциясының 2020-жыл 1-июнь сәнесиндеги №17-хс-санлы бўйрығы тийкарында районда өткерилген қадағалаў илажларында мине усындай нызамды писент етпестен жасырынша саўда менен шуғылланып атырған пуқаралар анықланды.
Атап айтқанда, районның мәмлекетлик салық инспекциясы ҳәм район ИИБ хызметкерлери тәрепинен өткерилген қадағалаў илажлары даўамында жәми баҳасы 29 миллион 990 мың 940 сумлық нызамсыз сатылып атырған алкоголь өнимлери саўдасының алды алынды.
Аниқланыўынша, райондағы “Тожмаҳал” көшесинде жасаўшы пуқара Р.Р. “Жайҳун” көшесинде жайласқан үйде тийисли ҳүжжетлерсиз алкоголь өнимлерин сатып келген. Пуқара Р.Р. нызамға қайшы рәўиште саўда-сатық пенен шуғылланып, тек өзиниң ғана емес, бәлки, қарыйдарлардың да сапасы кепилленбеген өнимлери менен денсаўлығына қәўип туўдырыўы мүмкин еди. Анықланған нызамбузыўшылық бойынша пуқара Р.Р.ға тийисли 5 түрдеги жәми баҳасы 27 миллион 366 мың сумлық алкоголь өнимлери гүўалар қатнасыўында ўақтынша, ис нызам шеңберинде шешимин тапқанша рәсмийлестирип алынды.
Сондай-ақ, Беруний районы “Тумарис” көшесинде жасаўшы пуқара А.С. райондағы “Бахыт” көшеси номерсиз үйде нызамсыз рәўиште тийисли ҳүжжетлерсиз сатылып атырған алкоголь өнимлери саўдасына шек қойылды. Пуқараға тийисли жәми баҳасы 2 миллион 624 мың 940 сумлық алкоголь өнимлери ўақтынша айғақлық дәлил сыпатында рәсмийлестирилип алынды.
Нызамсыз жумыс пенен шуғылланып аз ўақыт ишинде мол дәрамат табыўды гөзлеген “алғыр исбилермен” гүзе күнде емес, күнинде сыныўын умытып қойғанға уқсайды.
Умытпаң, нызам шеңберинде ислеў, мәмлекетимиз тәрепинен белгиленген салықларды өз ўақтында төлеў ертеңги пәраўан турмысымыздың кепили болып есапланады.

ҚР МСБ Баспасөз хызмети
Көрилди: 125

Сондай-ақ:

Қарақалпақстанда Қанша исбилермен онлайн қадағалаў-касса машинасынан пайдал ...

Қарақалпақстанда Қанша исбилермен онлайн қадағалаў-касса машинасынан пайдал ...

Хабарыңыз бар, Президентимиздиң 2019-жыл 6-сентябрдеги “Саўда ҳәм хызмет көрсетиў тараўындағы есап-китаплар системасына заманагөй мәлимлеме технологияларын
Карантин ўақтында халық ушын жәрдем болды

Карантин ўақтында халық ушын жәрдем болды

Мәмлекетлик салық хызмети органы ўәкиллери тәрепинен Нөкис қаласындағы 4-сектор аймағы турғынлары ушын арзанластырылған ярмарка шөлкемлестирилди. Ярмаркада ҳәр
Баҳаларды көтериў, нызамды бузыў дегени

Баҳаларды көтериў, нызамды бузыў дегени

Хабарыңыз бар елимизде коронавирус инфекциясы тарқалыўының алдын алыў мақсетинде карантин жәрияланған. Ҳәзирги ўақытта көпшилик орынларда жумыс процеслери
Улыўма аўқатланыў орынлары жумыслары ўақтынша тоқтатылды

Улыўма аўқатланыў орынлары жумыслары ўақтынша тоқтатылды

Елимизге коронавирус пандемиясының кирип келиўи себепли барлық орынларда карантин ҳалаты енгизилди. Атап айтқанда, Өзбекстан Республикасы Министрлер
Қарардың орынланыўын тексеремиз деп нызамды шетлеў дурыс емес

Қарардың орынланыўын тексеремиз деп нызамды шетлеў дурыс емес

Каr24.uz сайты арқалы Хожели районы мәмлекетлик салық инспекциясы жумыс ўақтыннан тысқары жумыс ислеп атырған деп, келтирген ўақыясына районлық салық
Социаллық тармақларда
facebook telegram

ВХОД НА САЙТ